شهادة الاستاذ احمد المسيرى على ماحدث امام ماسبيرو

@ahmedmesiry هل الاقباط بالغباء اللى يخليهم ينزلو بسلاح يحاربو الجيش او يعتدوا عليه !!!؟؟ ويموت منهم 30 ولا يموت ولا واحد مالجيش ؟ ازاى ؟

@DR__________ بقولك ايه عاوز تصدقني خير وبركة مش عاوز ده من حقك برضه ومفيش مشكلة ... انا شغلي كله وسط مسيحيين وكمان جيراني في شغلي بالعبيط

@ahmedmesiry لا طبيعى احنا كلنا بندور على الروايه الحقيقيه مش الروايه اللى اقتنع بيها ....واعتقد حضرتك متفق معايا فى ده

@DR__________ والناس دي اكتر من اخوات معايا ومن زمان والنهارده قابلت ناس منهم وقالوا ليه بالحرف الواحد احنا كنا امبارح في المظاهرة ..يتبع

@DR__________ تمام ماتقاطعش الا لما اخلص واقولك خلاص اوكي

@DR__________ وكنا خارجين من الدير في شبرا وكله كان تمام قولت ليه والناس اللي ماتت من الجيش دول انتحروا يعني قال لي فعلا كان فيه ناس

@DR__________ قال لي فعلا كان فيه ناس معها سلاح للتامين بس ومش احنا اللي ضربنا نار علي الجيش فيه ناس اندسوا وسطنا وهم السبب قولت له يعني

@DR__________ مظاهرة ٥٠٠٠ واحد علي الاقل ومش عارفين تأمنوها ده الف باء اي مظاهرة سلمية علشان القيل والقال طبعا سكت لانه عارف انهم غلطانين

@DR__________ وبعدين قال لي بس والله مش احنا اللي بدانا الضرب اللي اندسوا هم اللي ضربوا ضحكت وقولت له يعني كل اللي ماتوا واتعورا من الجيش

@DR__________ دول من شوية بلطجية مندسين بالعقل كده ماينفعش قال لي ما احنا لقينا نفسنا في النص والضرب شغال ومعرفش ايه اللي حصل بعد كده

@DR__________ قولت له يابني مش ممكن الخسائر عالية والسلاح كان بالعبيط في ماسبيرو سكت الراجل معرفش يرد وقولت له انتم غالطانين والغلط لابسكم

@DR__________ قال لي عندك حق كان لازم ننأمن المظاهرة ودي عدت علينا بس احنا والله ماكناش عاوزين عنف قولت له بس البابا عارف الكلام ده وساكت

@DR__________ قال لي هو نصح وقال بلاش بس الناس ماسمعتش الكلام ده قولت له اسف جدا انا عارف ان تسعين في المية منكم البابا يقوله ارمي نفسك

@DR__________ ارمي نفسك في البحر كله يرمي نفسه الا قلة قليلة جدا سكت تاني لانه مالقاش رد مقنع قال لي طيب والناس اللي اداست دي بالمدرعات

@DR__________ قولت له بصراحة انا شوفت ٤ فيديو مفيش واحد منهم واضح زي ٢٨ يناير بحيث ماتشك اطلاقا فيه لان الفيديو هرج ومرج وناس بتجري ومش واضح

@DR__________ قال لي يعني مين الي داسهم قولت له معرفش بس من الممكن عند هروب المدرعات من الحرق ده حصل بس ده برضه مفيش دليل

@ahmedmesiry طيب هو مين الشخص اللى حكالك ده ؟ وكان موجود من الاول يعنى ؟ وهل المندسين كانو بيضربو المسيحيين والجيش ولا الجيش بس؟

@DR__________ ايوه هو من شبرا وخارج مع المظاهرة من دير في شبرا ... بيقولي فعلا هو فيه ناس اندسوا في المظاهرة بس ماخدناش في بالنا

@DR__________ هو بيقول ان بداية الضرب كانت من ناس دخلوا من اليمين والشمال مش من جوه المظاهرة وبعد كده كله ضرب

@ahmedmesiry طيب هو ليه كل المشاهد عالتيلفزيون كانت شباب مع الجيش مشفناش مشهد مدنيين مع بعض والمفروض ده كان موجود ؟؟

@DR__________ لاالمندسين مش هم اللي بدأواالضرب هو بيقول لما المظاهرة وصلت فيه ناس شكلهم غريب دخلوا من الجانبين وهم اللي ضربوا في الجيش الاول

@ahmedmesiry يعنى الناس اللى شكلها غريب دى كانت من المظاهره ولا مندسين بردو ؟؟؟

@DR__________ هههه ياابراهيم صحصح شوية بداية الضرب لم تكن منالمظاهرة ولا المندسين دول ناس دخلواعلي ماسبيرو وهم اللي ضربوا في الجيش حسب كلامه

@ahmedmesiry مين الناس دول يعنى ؟؟؟ ماهو انا مش وصلنى طبيعتهم يعنى مهم يامندسين يايتبع المظاهره

@DR__________ ولما الضرب اشتغل ابتدأ يظهر السلاح من المظاهرة من المندسين حسب كلامه وازيد انا من سلاح التامين اللي كان مع بعضهم وده تخميني

@ahmedmesiry ماهو بردو مش عاوزين نخمن ......دى شهادة حق ولو تسمحلى هانشرها فى بوست بس هانحى منها التخمينات بتاعة حضرتك ...العهده على الراوى

@DR__________ بس هو مقالش كده طبعا لانه مش عاوز يغلط حد منهم

@DR__________ مفيش مانع وكما قلت العهده علي الراوي وانا نقلت لك كل ماقاله لي حسب ذاكرتي والتخمين يخضع لسكوته وعدم نفيه عبارة ما فالسكوت رضا

@ahmedmesiry طيب فى اى كلام تانى قاله ؟؟؟

@DR__________ اه لما سالته ازاي البابا علي علم بكل ماسوف يحدث ويسكت ولايمنع هذه الكارثة لانه كده مسئول علي اللي حصل وخاصة ان المظاهرات كانت

@DR__________ في اربع محافظات في نفس الوقت قال لي هو قال بلاش بس الناس ماسمعتش الكلام الخلاصة الناس مكسورة وحاسة انها غلطانه وحقهم ضاع

@ahmedmesiry طيب بردو فى نقطه غامضه شويه ليه التليفيزون مجبش المندسين وهم بيضربو فى المتظاهرين خالص وكله كان ضرب بين الجيش والمدنيين ؟

@DR__________ اقفل المحضر في تاريخه وقد وقع الشاهد علي اقواله وتم صرفه من سراي النيابة .. ممكن اروح يافندم بقي ولا فيه حاجة تانية هههههههه

@DR__________ ببساطة لان ممكن مايكونش فيه مندسين من اساسه و،ده تبرير منهم للي حصل وممكن ان هدف المندسين هو ضرب الجيش فقط الاشعال الموقف

@ahmedmesiry طيب لو مفيش مندسين يبقى اللى القتلى اللى قتلهم الجيش ببساطه بردو ؟ ولا ايه؟

@DR__________ انا نقلت لك اللي هو قاله ومش شرط يكون كل اللي قاله صح أكيد طبعا حايكون فيه تبرير للاخطاء اللي حصلت ونفي اي تهمة عنهم وده وارد

@DR__________ ياابراهيم الراجل بيقول ان فيه بلطجية واضحين وكتير من بره المظاهرة دخلوا عليهم ماسبيرو وهم اللي بدأوا الضرب في الجيش

@ahmedmesiry ماهو انت بتخمينك نفيت ده وقولت ممكن يكون بيقول كده علشان يبعد التهمه عنهم

@DR__________ اه مظبوط كده هو بيقول ان الضرب مش منهم الاول يااما من البلطجية اللي دخلوا عليهم او المندسين ده تبريره للعنف وصلت ولا انت اكسدت

@DR__________ وده مايمنعش علي الاطلاق ان الجيش كان له من الحب جانب وفيه خسائر منه بس مش رصاص حي ودي مني انا ومتاكد منها مامعهموش ذخيرة حية

@ahmedmesiry اوك ياريس ....بس معلومه عالطاير الجيش مسلح بذخيره حيه بدليل عاطف يحيى بتاع السفاره الى خد رصاصه مالجيش فراسه والخمسه ال بعده

@DR__________ ممكن يكون السلاح الشخصي للظباط فقط ويكون طبنجة علي الاكثر لكن اكتر من كده اسف ماينفعش والا كانت بحور دم امبارح