بيكى وانا مش نائم
بحلم بضفيرتك ومريلتك وانا لسه صغير ومش فاهم
بحلم بفستانك الزهرى وبصوت خطواتك
بجريك وضحكك وسط صاحباتك
لكنك مشوفتنيش انت اصلا متعر فنيش
بحلم
ببلكونتك وشيشها المخلوع زى ضلوعى
بضى اوضتك بيتسرسب ويا دموعى
بطلعة شمس على بيتكم وطلعة شمسك على دراعى
لكنك مدفتنيش انت حتى مشرقتيش
بحلم
بورده من جنينتك
بورقه من كراستك
بكلمه من اغنيتك
بترنيمه من لحنك
لكنك مكتبتيش انت حتى مغنتيش
بحلم
بظلك المسه باحساسك اكلمه
بفرحك ارسمه
بشوقك ليا اوصفه
بصوتك اعرفه
لكنك مفرحتيش انت حتى متكلمتيش
بحلم
برقصك على لهفتى عليكى
بمشيك بحلمك ليا
بذراعك ممدود نحوى
بضحكه من فرحه بيا
لكنك مضحكتيش انت حتى محلمتيش
0 التعليقات:
إرسال تعليق